38. Kundërshtia / Kui

Vija 6: I izoluar nga kundërshtia, sheh shokun si një derr të mbuluar me baltë, si një qerre plot me djaj. Së pari e ngrin harkun kundër tij, pastaj e ul harkun. Ai nuk është grabitës, por vjen për krushqi. Teksa shkon, bie shi; atëherë vjen fati i mirë.

Vija 5: Pendimi zhduket. Shoku i besës kafshon përmes mbështjellësve për t'u bashkuar. Po të shkosh tek ai, si mund të jetë gabim?

Vija 4: I izoluar nga kundërshtia, takon një njeri mendje-ndritur me të cilin mund të bashkohesh në mirëbesim. Pavarësisht rrezikut, nuk ka faj.

Vija 3: Sheh qerren që tërhiqet mbrapsht, qetë që ndalohen, dhe njeriut i pritet floku e hunda. Jo një fillim i mbarë, por një fund i mirë.

Vija 2: Takon zotërinë tënd në një rrugicë të ngushtë. Nuk ka faj.

Vija 1: Pendimi zhduket. Nëse e humb kalin, mos vrapo pas tij; ai do të kthehet vetë. Kur takon njerëz të këqij, ruaju nga gabimet.